%月 %日, %年 其他留言
滿月，在中國文化裡代表圓滿同團聚，全部係美好嘅象徵。
但喺西方文化，滿月多數都同瘋狂、無法壓抑嘅慾望掛勾，所以有「lunatic」呢個字，就連精神失常都頗有「月盈則狂」嘅意味。
有研究認為男人有所謂嘅性周期，同月相周期一樣，月圓嘅時候性慾會特別強。個研究話係因為人體有差唔多8成係液體，月球引力喺人體同樣發揮潮汐般嘅作用，影響你嘅荷爾蒙分泌——以至性慾，而月球引力最強嘅時候自不然就係滿月時分。所以喺月圓之夜，男人會特別容易有性衝動。
如果照佢個邏輯去推論，女人都係人，咁係咪代表女人應該都會受到月亮影響而性慾高漲呢？
呢個研究係唔係英國研究就唔知，信不信就由你，或者不妨今晚同另一半試下，睇下會唔會有意外驚喜？
不過戴番個頭盔先，做愛呢樣野係講求興致，興之所至，就會意亂情迷，何需周期？
中秋佳節，喺度祝各位人月兩團圓。
by LC mary
